شو هي ميزة التشفير الجديدة بالواتس أب ؟

• لو شخص A بالطرف الأيمن أرسل كلمة Hello لشخص تاني B بالطرف الأيسر على برنامج الـ WhatsApp .

• ولو كان الشخص C في المنتصف يلي هو المتجسس (رقابة أو حكومة أو وسيط أو…) عم يتجسس على البيانات (رسائل ومكالمات) ما بين A و B .

• كيف رح يشوف كلمة Hello ؟

– بالصورة المرفقة بتوضحلك كلمة Hello :
• عند الطرف A كيف صارت بعد التشفير لتكون جاهزة للارسال بشكل آمن.
• وعند الطرف B كيف استقبلها مشفرة غير مفهومة ثم فك تشفيرها حتى رجعت كما كانت عليه.

– طيب لو الشخص C يلي هو بالمنتصف حسن يخترق الشبكة يلي عم يتم عليها الارسال او الاستقبال وتجسس عالبيانات.. كيف رح يشوفها ؟
• رح يشوفها مشفرة غير واضحة وغير مفهومة (وهي الغاية من الميزة الجديدة).

– تقنية التشفير المستخدمة ببرنامج الـ WhatsApp من جديد اسمها E2EE
End-to-End Encryption
•-• إذاَ من خلال دمج نظام التشفير الجديد E2EE ما عاد في إمكانية للتنصت على البيانات ولن يستطيع أي شخص بعد الآن قراءة البيانات سوى الطرفين A و B وذلك لمعرفتهم مفتاح التشفير.
— ملاحظات:
• التشفير عم يكون بمفتاح بيعرفه المرسل والمستقبل فقط, لذلك هما الاثنين فقط القادرين على فك تشفير الرسالة.
• كل رسالة بتم ارسالها بتم استخدام مفتاح تشفير جديد مغاير للسابق وهي لزيادة الامان.
• رسائل الواتس أب ما بتتخزن ضمن سيرفرات الشركة وإنما الشركة فقط عم تنقل المحادثات من الجهاز A إلى الجهاز B.

– للمزيد حول نظام التشفير E2EE اضغط هنا